سوشال ميديا

نتائج انتخابات الرئاسة المصرية بخفة دم تويترية

الانتخابات الرئاسية المصرية 2012
لوحة جدارية لمجموعة من الفنانين المصريين رفضاً لكل فلول النظام السابق في الانتخابات الرئاسية 2012

متابعة الأحداث اللحظية على موقع تويتر لها عبق مختلف، حينما تنقل لك وجهات النظر من خلف الشاشات حول العالم لتجتمع كلها في فقرات دسمة ومختصرة، لا تزيد الواحدة منها عن 140 حرف..

    خفة دم الشعب المصري من أجمل ما يمكن متابعته في أوقات الأزمات والأحداث الجسام، بتلقائية تجدهم يقابلون مصائبهم بابتسامة، ويتحدّون مصيرهم بنكتة وطرفة، وعشية ليلة فرز نتائج انتخابات الرئاسة المصرية كانت التغريدات تتندر بالمستقبل المجهول بعد صعود سهم الفريق أحمد شفيق أحد أرباب النظام السابق، ليحل ثانياً – حسب المؤشرات الأولية – بعد مرشح الإخوان المسلمين، د. محمد مرسي، فدارت التغريدات في فلك فكاهي عن سبب قيام الثورة مادامت ستأتي برئيس يعتبرُ المخلوع مثله الأعلى وسيده وتاج راسه؟

تابعوا التغريدات التالية التي انتقيتها لكم من صفحات المغردين على تويتر خلال الـ24 ساعة الماضية:

المصري أم الأجنبي:

فقط فى مصر: الشعب يعمل ثورة ضد النظام وينزل ينتخب نفس أم النظام اللى عمل ضده الثورة! المصري أم الأجنبي.

شعبنا الطيب قال: مبارك كان طيب ولكن اللي حواليه وحشين.. شال مبارك وانتخب اللي كانوا حواليه.. شعب طييييب

طب ولما كدا كدا هننتخب أحمد شفيق عملتوا ثورة ليه؟ والناس ماتت ليه؟ والبلد اتخربت ليه؟

إذا كانت الأغلبية لـ شفيق.. إذن البلد ما كانتش محتاجة رئيس جديد، البلد محتاجة شعب جديد.

يا ‎‫تويتر‬‏ علي وعلي الصوت.. شفشق‬‏ و ‎‫مرسي‬‏ أخدو الصوت! أحا يا ‎‫انتخابات.. احا يا شعب ‎‫مصر.. أحا‬‏ بجد.. أمال احنا عملنا ‎‫الثورة‬‏ ليه؟

مين اللي كان السبب؟

مينا دانيال: أهلك هما اللى بعوك يا بنى مش احنا!

أتوجه بالشكر للسيد عمرو موسى فلولاه لفاز شفيق باكتساح

يتضح لنا من النتائج أنه كلما ارتقى المستوى المعيشي زادت نسبة التصويت للفلول

المنوفية 50% لشفيق! هي المنوفية دي مافيش فايدة فيها أبداً؟ محدش ياخد المنوفية ويجيب مكانها سندوتش حلاوة بالقشطة؟

ﻧﻔﺴﻲ أﻋﺮﻑ ﺑﺘﻮﻉ ﺍﻟﻤﻨﻮﻓﻴﺔ ﺟﻨﺴﻬﻢ إﻳﻪ.. ﻛﺎﻥ ﺯﻣﺎﻥ ﺑﻴﻘﻮﻟﻮﺍ ﺣﻜﻢ ﺍﻟﻘﻮﻱ،ﻃﻴﺐ ﻭﺑﻌﺪ ﺍﻟﺜﻮﺭﺓ إﻳﻪ ﺣﺠﺘﻬﻢ،على ﺭأﻱ ﺟﻤﺎﻝ ﺑﺨﻴﺖ: ﺩﻳﻦ أﺑﻮﻫﻢ ﺍﺳﻤﻪ إﻳﻪ؟

المنوفية تتألق كالعادة.. بعد أن أنجبت نبيه ونابغة عصره مبارك.. تبلينا اليوم بتصويت خرافى للفلول!

الإسكندرنية والبورسعيدية أثبتوا إنهم ثورجية، وطبعا الفلول من المنوفية!

أنا شايف إننا نلغي نتائج “ألمنيا” مع احترامي الشديد لشعبها.. الديمقراطية جتلكوا غلط

أغلب الصعايدة انتخبوا شفيق.. والله عنده حق اللى بيطلع عليهم نكت

لو كان الجهل رجلا مكنتش قتلته.. ده أنا كنت كلته علقة مكلهاش حرامى..

طب عاوزين حد شاطر يعملنا حصر للبلاد واللجان الي كسب فيها الفلول عشان بعد الانتخابات نبدأ نعالجهم نفسيا بجد ونتجه لتوعيتهم

 ——— فاصل ترفيهي ———

فاصل من التوتر في مرحلة الفرز:
بالفيديو مواطن دمياطي يدلي بصوته من فوق الحمار

[yt]PmlRBhNc1Dk[/yt]

 ——— نواصـــل ———

ومنهم من ينتظر:

مراسل BBC سأل امرأة تنتظر فتح أبواب اللجان، و قال لها: منذ متى تنتظرين؟ فأجابت بضحكة عريضة: من تلاتين سنة! 

ايه التوتر ده؟! ده ولا نتيجة الثانوية العامة

حاولت أنام معرفتش حاسس إنى مستنى نتيجة ثانوية عامة!

مفيش حد ليه قرايب فى الكونترول يجيبلنا النتيجه قبل ما تتعلق؟

فينك يا مبارك يا صاحبي؟! كانت النتيجة بتطلع في ساعتها بدل كل القلق ده!

مصر بتصحى على نتائج اختبارات مش انتخابات

أنا حاسس إننا في الدقيقة ٨٢ و مصر مغلوبة ٢/١ وابتدينا نتكلم عن قوة منتخب غينيا وإن أهم حاجة التمثيل المُشَرِف ونشوف بقي هنعمل إيه؟

اللجنة جيم.. لم ينجح أحد:

كل لما تيجي سيرة نتايج يقولوا عبد الله الأشعل: صفر.. هاتلاقي أبوه مستنيه بالخرزانة على باب الشقة!

للمرة الثانية خلال أقل من ساعتين العثور على صوت آخر لمحمد سليم العوا أثناء الفرز!

بيقولك الحريرى بيستفسر من اللجنة على أسماء الناس إللى صوتوله علشان يعدى عليهم واحد واحد يشكرهم ‎

عاجل: أبو العز الحريرى بيلعب على الـ ” زيرو كينج ” ‎‫في انتخابات مصر‬‏

الانتخابات سخنت قوي محمد فوزي متقدم على عبد الله الأشعل بـــ 3 أصوات وبيقولوا متراهنين على سندوتشات فول من البغل

طب ننزل جدو يخطف جون؟ ولا أبو تريكة وناخد بلنتي؟

شفيق المستحيل:

الراجل اللى اسمه شفيق ده عجيب والمصحف يتقتل ويعيش، يتعزل ويفضل، يضرب بالجزمة ويبقى رئيس، يكونش مخاوي فعلا؟

أول مرة في مصر الرئيس ينضرب بالجزمة قبل ما يصير رئيس يعني انتخب بالجزمة

اللهم إن عبدك أحمد ‎‫شفيق‬‏ فقد زوجته و لا طاقة له ببعدها و فراقها اللهم اجمعه بها قريبا كي تقر عينه.. اللهم آمين

شفيق يا راجل
ولمن لا يعرف الفريق شفيق نقول له المقولة المأثورة: شفيييييق يا راااجل

ماذا لو نجح شفيق؟

لو نجح شفيق، لسان حال حسني مبارك: طالع خلاص بكرا براءة حنام وحاصحى على رواقه راجع لبيتي ولسريري راجع لفوطتي وبشكيري

جمعة استخراج الباسبور

هو الباسبور السريع بكام دلوقتى.. والبلاد المتاحة للجوء حالياً إيه؟

بعد فوز البلوفر في الانتخابات سيتم تغيير اسم فريق النادي الأهلي إلى ‎‫شفيق‬‏ النادي الأهلي

هذا العيد لن أشتري بقرة، ستكونين أنتي البقرة يا بلد مبتتعلمش

يا اصحابي و صحباتي هنا و محلك سر.. بصوا على انتخباتي.. و هنلبس ف استبن

الإسكندرية زيرو فلول و عشان كده حيتم إلغاء المحافظة وحيضموها للمنوفية

وحيتعمل بقى بعد كدا حملة ‎‫امسك ثوار‬‏ على غرار حملة امسك فلول.. فيلم الثائر لا يزال فى بيتى

لو مرسى نجح نص البلد قالوا هنهاجر.. ولو شفيق نجح النص التاني قال هنهاجر.. طب ما ننجحهم هما الاتنين ونعمل خدمة فى مصر ونبتدى على نضافة!

طلب التماس للمجلس العسكري لو جاء ‎‫شفيق‬‏ مسكونا الفترة ديه ونطول الفترة الانتقالية وآسفين على كل حاجة حصلت مننا

فى محاولات جادة من الإعلام و المرشحين الفِل والمعلومات المغلوطة إننا نضغط لايك لصفحة إحنا آسفين يا ريس.. لكن ده بعدهم

لو قولتلي الصندوق دا فيه إيه هديك منه سلم

—— فاصل ——

انتخابات الرئاسة المصرية بنكهة تويتر
فاصل ترفيهي خلال مرحلة الفرز: عروسان يصران على الاقتراع قبل مراسم فرحهما في مصر

—— عدنا ——-

كل يغني على ليلاه:

تلّ أبيب لم ولن تنم حتى تطمئن بفوز الفلول

ليش تحس من تعليقات الإسلاميين على ‎‫الانتخابات الرئاسية‬‏ بأنهم داخلين في حرب دينية وليس في انتخابات رئاسية؟

حملة موسى: مرشحنا الأول في مؤشرات أولية لنتائج الانتخابات بـ13 محافظة تفسير قوله: “أضغاث أحلام”

النسر بيطلع وينزل والحصان يجري ويستريح أما الشمس موجودة على طول والسلم طلوع بس ولا إيه الميزان مش بيكدب والشجرة لسه بذرة هتطلع

الرمز اللي اختاره كل مرشح يدل على حلمه: حمدين بيحلم بالتفوق (النسر)، أبو الفتوح بيحلم بالقوة (الحصان) شفيق بيحلم يكون نقاش (السلم)

أنا مش طماعة والله, دانا حتى زمالكاوية وبرضى بالمركز التاني.. يا رب حمدين أو أبو الفتوح في المركز التاني على الأقل

الشعبية لحازم.. والتأييد لـ أبو الفتوح.. والتصويت لمرسي.. والكرسي لأحمد شفيق

الأخوان المسلون يقرؤون سورة الرحمن عند مراكز الاقتراع ،وقد ذكر في هذه السورة كلمة الميزان ٣ مرات وهي إشارة لشعار مرشحهم

عندما تنقلب الموازين:

بعد اللى بيحصل فى الفرز ده متوقع دلوقتى يقولوا الإعادة بين جمال مبارك وأحمد عز

على كدا مبارك مكنش محتاج تزوير

هو مبارك كان بيزور ليه؟! ما الشعب زي الفل أهوه

مرسي في الصدارة.. وشفيق وراه في طيارة.. وأبو الفتوح أنا خايف يروح.. وحمدين شكله متين.. وموسي طلع كوسة!

يا بشر أفهم ازاي شفيق يتغلب على مرسي في المحلة.. ده عقر اﻷخوان يا بشر في حاجه غلط!

أهل ‎‫دمنهور‬‏ حلقوا الدقون ورشحوا ‎‫حمدين‬‏!

النتائج بتتغير بسرعة أوي أنـا خـايـف أنـام وأصحـي ألاقـي الإعـادة بيـن البسطويـسـي وحسام خيـر الله

زمان كان الإخوان بينافسوا الحزب الوطني قامت ثورة فبقى الحزب الوطني بينافس الإخوان

لقد وقعنا في الفخ:

ﺍﻟﺴﺎﺩﺍﺕ ﺧﺪﻋﻨﺎ ﻟﻤﺎ ﻗﺎﻝ: “الديمقراطية ﻟﻬﺎ أﻧﻴﺎﺏ”، ﺩي ﻣﺶ أﻧﻴﺎﺏ ﺩي ﺧﻮﺍزﻳﻖ ﻻ ﻣﺆﺍﺧﺬة

من يعش رجباً.. يرى عجباً

ثورة و ندمان عليها

يا شماتة أبلة تازا فينا أبلة تازا مين أبلة تازا موبارك.. إلبس

الأصوات بتتفرز.. واحنا بنتفرس

سؤال: من نتائج ‎‫انتخابات مصر احسب نسبة الجهل في مصر؟

ده واضح إن اللي عمل الثوره كلهم تحت 18 سنة ولا إيه يا جدعان؟

جيل عاش طول عمره ظالمنا بسكوته.. جاي النهاردة يموتنا بصوته!

شعب فقري مش وش نعمة.. غاوي ياخد على قفاه.. صدق عادل إمام حين قال: “بلد بتاعت شهادات صحيح”!

ماذا عن التاريخ والجغرافيا؟

هيذكر التاريخ إن احنا الشعب الوحيد اللي عمل ثوره ضد النظام.. وخلعه.. وراح انتخابات الرئاسة ورشحه!

والله أنا ما صعبان عليه غير عيالنا وأحفادنا لما يذاكروا التاريخ فى الفترة المهببة دي مش هيفهموا حاجة وهيجوا يسألونا هو إنتوا كنتوا بتهببوا إيه أياميها؟ مش هنعرف نرد برضو

أجمل ما في الموضوع بعيداً عن من سيكون الفائز: انتهى عهد الرقم العنيد 99.9% الذي جثم فوق صدورنا 30 عاماً أو يزيد

اعط نفسك 5 دقائق وشاهد حقيقة ما يجري في مصر

هكذا فاز شفيق.. الخطة السرية لعودة النظام السابق

[yt]RINhp-_vcQE[/yt]

حكمة:

المستبدون يتولاهم مستبد والأحرار يتولاهم الأحرار!

_____________________

مصادر من تويتر: #انتخابات – #انتخابات_مصر – #الانتخابات_الرئاسية – #انتخابات الرئاسة – #نتائج_الفرز – #مصر_تنتخب

اضغط هنا خالد صافي لمتابعتي على تويتر للإطلاع على المزيد من أخبار الرئاسة المصرية ونتائج الفرز.

خالد صافي

خالد صافي مختص في التسويق الرقمي ومدرب خبير في الإعلام الاجتماعي، حاصل على لقب سفير الشباب الفخري من وزير الشباب والرياضة التركية، حاز على جائزة أفضل مدونة عربية لعام 2012 من دويتشه فيله الألمانية.

مقالات ذات صلة

تعليق واحد

  1. شعب مصر شعب بطل ، لكن طيّب ويصدق كل ما يقال له ، الثورة المصرية إهتم بها العالم كله ، وساندها وأعطت زخما قويا لثورات أخرى حتى تحدو حدوها ، للأسف شعبها ليس الكل ولكن نسبة كبيرة منه ، لم يعطي الثورة الإهتمام الكافي الذي تستحقه ، ثورة أعطت الكثير ، وأبانت عن طاقت وكوادر وكفاءات شبابية واعية طموحة تريد أن تغيّر من حالها نحو الأفضل ، لكن للأسف تجد أمامها معيقات ومتاريس تحول دون ذلك ، لن يستفيق شعب مصر ، لا قدر الله إلا حين تلجمه الصدمة وتعود ريم لحالها القديم عندها سيندم حين لم يفتح آذانه لصوت الشباب ولم يعرهم أي إحترام ، ولم يهتم بآراءهم ، وتجاهل ناداءاتهم ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Protected by WP Anti Spam
زر الذهاب إلى الأعلى